Korporatës Energjetike të Kosovës i ka dështuar tenderi për furnizim me maska.
Në njoftimin për anulim të bërë publik nga Komisioni Rregullativ i Prokurimit Publik thuhet se është anuluar tenderi “Furnizim me maska higjienike ditore si dhe dorëza higjienike (një perdorimshe)”, ani pse kishin aplikuar 5 kompani, shkruan arbresh.info.
Por, tek arsyeja e anulimit thuhet se asnjë nga ofertat nuk ka qenë teknikisht e përgjegjshme.
“Asnjëra nga ofertat e pranuara nuk ka qene teknikisht e përgjegjshme”, thuhet në njoftim.
Me këtë tender ishte planifikuar të bliheshin 20 mijë maska higjienike dhe 76 mijë dorëza, për rreth 4200 punëtorë.
“Maska higjienike ditore- copë 20000 Doreza higjienike një përdorimshe- copë 76000”. Për shkak te situatës se pandemisë me COVID-19, dhe nevojës për t’i furnizuar rreth 4200 punëtorë me material mbrojtës nga virusi, në afat sa me te shkurte kohore te mundeshem”, thuhet në njoftim.
Vlera e parashikuar e kontratës ishte rreth 15 mijë euro ose saktësisht 14 mijë 800 euro.
Por, ky nuk është tenderi i vetëm që i ka dështuar KEK-ut.
Sot është i ditur edhe anulimi i tenderit me titull “Furnizim me sapun dhe pasta abrazive për pastrimin e duarve”.
Te informacionet shtesë thuhet se ky tender ka dështuar për shkak se asnjë ofertë nuk i ka plotësuar kushtet.
“Asnjëra nga ofertat e pranuara nuk i plotëson të gjitha kushtet dhe kërkesat sipas dosjes se tenderit dhe njoftimit për kontratë”, thuhet në njoftim./arbresh.info/
Samiti i organizuar nga Shtëpia e Bardhë, Balluku: Shqipëria...
Parandalohet një rast i kontrabandës në Viti, i dyshuari bra...
Hoxha: Zyra e re për Rikuperimin e Aseteve do të përdorë int...
Gjenerallejtënant Jashari priti komandantin e kontingjentit ...
Publikohet orari për javën e katërt në elitën e basketbollit...
Sylvinho flet për organizimin e Evropianit për U21 mes Shqip...