Kryetari i Komunës së Kamenicës, Qëndron Kastrati ka njoftuar se ka rezultuar pozitiv me Covid-19, me ç’rast ka shkuar edhe në vetizolim.
Kastrati përmes një shkrimi në facebook ka thënë se javën që shkoi ai ka takuar një koleg të tij nga Prishtina, për të cilin thotë se dy ditë më parë ka rezultuar pozitiv me Covid-19
“Në momentin që e kam kuptuar që ai ka bërë testin jam vetizoluar, ndërsa dje jam paraqitur për të bërë testin. Sot jam informuar që testi ka dalur pozitiv. Nuk kam asnjë simptomë por do të qëndroj i vetizoluar sipas rekomandimeve të IKShPK-së”, ka shkruar ai në facebook, shkruan arbresh.info.
Ai poashtu ka njoftuar se do t’i dorëzojë gjitha kontaktet që ka pasur në Institutit Kombëtar të Shëndetësisë Publike, ndërsa sa i përket punëve në Komunën e Kamenicës ai ka thënë se do të vazhdojnë me intensitetin e njëjtë.
Postimi i tij i plotë:
Të nderuar qytetarë të Kamenicës,
Javën e kaluar kam pasur kontakt me një koleg nga Prishtina. Para dy ditësh kolegu ka rezultuar pozitiv me COVID-19. Në momentin që e kam kuptuar që ai ka bërë testin jam vetizoluar, ndërsa dje jam paraqitur për të bërë testin.
Sot jam informuar që testi ka dalur pozitiv. Nuk kam asnjë simptomë por do të qëndroj i vetizoluar sipas rekomandimeve të IKShPK-së. Do t’i dorëzoj të gjitha kontaktet e mia pranë Institutit Kombëtar të Shëndetësisë Publike, por ju lus të gjithëve që jemi takuar ditëve të fundit të vetizoloheni për disa ditë dhe të lajmëroheni nëse keni simptome.
Punët në Komunën e Kamenicës do të vazhdojnë me intensitetin e njejtë, dhe unë do të vazhdoj të punoj nga shtëpia./arbresh.info
Bie numri i familjeve që marrin asistencë sociale
Prokurori i lartë mbështet lirimin me kusht të vëllezërve Me...
Murati e Ismaili takuan zëvendëspresidenten e Bankës Botëror...
Sulmet turke raportohet se kanë vrarë 27 civilë në Siri
Sot fillon faza e dytë në Superligën e Kosovës, vetëm një nd...
Arrestohet në Kosovë i dyshuari për keqpërdorim të fëmijëve ...