Setien i pasigurt: Nuk e di nëse Suarez do jetë startues ndaj Leganes

20:15 | 15 Qershor 2020
Arbresh Info

Trajneri i Barcelonës, Quique Setien ka pranuar se nuk e di nëse sulmuesi Luis Suarez, do jetë i gatshëm të rikthehet në formacionin e parë kundër Leganes.

Uruguaiani ka pësuar lëndim gjatë janarit në gju dhe pritej ta humbiste sezonin, por me suspendimin e La Liga-s shfrytëzoi kohën për tu shëruar, transmeton portali arbresh.info.

Në ndeshjen e fundit kundër Real Mallorca, Suarez hyri si zëvendësues, derisa Messi, Griezmann dhe Braithwaite ishin në formacionin e parë.

Tekniku spanjoll ka thënë se ende nuk ka vendosur nëse Suarez do jetë startues.

“Nuk kam vendosur nëse Luis Suarez do startojë nesër, duhet të bisedojë me të. Kemi shumë gjëra, është normale që të këtë probleme muskulore”.

“Griezmann ka luajtur gati çdo ndeshje. Është e vërtet që janë më shumë lojtarë dhe minutat duhen ndarë. Griezmann do vazhdojë të luaj, është lojtar i rëndësishëm”, theksoi ai.

Barcelona prinë në tabelë, dy pikë më shumë se rivali Real Madrid./arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm