Pas deklaratës së të dërguarit të posaçëm të SHBA-së për dialogun Kosovë –Serbi, Richard Grenell, se këto dy vende do të takohen më 27 qershor në Washington për rifillimin e dialogut, ka ardhur edhe reagimi i presidentit Hashim Thaçi.
Thaçi përmes një postimi në Facebook, ka shkruar se Kosova është e gatshme për të arritur marrëveshje historike paqësore me Serbinë.
Sipas tij, udhëheqja e proceseve të mëdha politike nga Shtetet e Bashkuara të Amerikës ka qenë gjithmonë përcaktuese për Republikën e Kosovës dhe popullin e saj./arbresh.info
Postimi i plotë i presidentit Thaçi:
Udhëheqja e proceseve të mëdha politike nga Shtetet e Bashkuara të Amerikës ka qenë gjithmonë përcaktuese për Republikën e Kosovës dhe popullin e saj.
Si President i Republikës së Kosovës e mirëpres ftesën për ta rifilluar procesin e dialogut për normalizimin e marrëdhënieve ndërmjet Kosovës dhe Serbisë nën udhëheqjen e Presidentit të Shteteve të Bashkuara të Amerikës, Donald Trump, si dhe të dërguarit special të tij ambasadorit Richard Grenell.
Kosova është e gatshme për të arritur marrëveshje historike paqësore me Serbinë, njohje reciproke dhe vendosje të marrëdhënieve diplomatike.
Tani i takon institucioneve të Republikës së Kosovës që të tregojnë mençuri dhe maturi në ndërtimin e unitetit dhe koordinimit me partnerët tanë strategjikë dhe të përkushtohemi që ta përmbyllim me sukses këtë proces. HTH
Horoskopi sot, parashikimi i yjeve për shenjën tuaj
Barcelona nuk e harron Nico Williamsin, ia premton edhe fane...
KQZ mban sot mbledhje, shqyrton dizajnin e fletëvotimeve
Njëvjetori i rënies heroike, Haradinaj bën homazhe tek varri...
Kush dhe çka e mbron Radoiçiqin në Serbi?
Pentagoni dërgon trupa shtesë në Lindjen e Mesme mes rritjes...