Kryeministri Hoti takon shefin e EULEX-it, flasin për procesin e dialogut mes Kosovës dhe Serbisë

17:18 | 15 Qershor 2020
L G

Kryeministri i Republikës së Kosovës, Avdullah Hoti, ka pritur sot në takim shefin e EULEX-it, Lars Gunnar Wigemark.

“Në këtë takim, kryeministri Hoti e ka njoftuar  Wigemark për prioritetet e Qeverisë së Kosovës, menaxhimin e pandemisë COVID-19 dhe rimëkëmbjen ekonomike, zhvillimin e qëndrueshëm ekonomik, forcimin e sundimit të rendit dhe ligjit si dhe për procesin e dialogut ndërmjet Kosovës dhe Serbisë,”  njofton zyra e kryeministrit, raporton arbresh.info.

Kryeministri Hoti theksoi me këtë rast se Qeveria e Kosovës është duke punuar me përkushtim në avancimin e rendit dhe të ligjit në vend, mbështetjen e institucioneve të sigurisë si dhe aspekte tjera që ndërlidhen me fushën e integrimit evropian dhe euroatlantik.

Kryeministri Hoti po ashtu theksoi se bashkëpunimi ndërmjet Qeverisë së Kosovës dhe misionit të EULEX-it, do të jetë në suaza të forcimit të shtetit të së drejtës./arbresh.info

 

Shpërndaje në rrjete sociale

Lajmet më të lexuara

Të ngjashme

Foto lajm