Man City dhe Bayern Munich në bisedime për Sanen, dallimi në vlerësimin e lojtarit mbetet i madh

22:04 | 9 Qershor 2020
A. B.

Manchester City dhe Bayern Munich i kanë vazhduar bisedimet për Leroy Sane, por dallimet e mëdha mes tyre në vlerësimin e lojtarit mbesin të palëkundura.

Bisedimet e javës së kaluar u mbyllen me këmbënguljen e gjigantit anglez se i do rreth 70 milionë euro për anësorin gjerman – të cilit i mbaron kontrata në verën e vitit 2021 – pasi oferta më e fundit e Bayernit ishte 40 milionë euro, transmeton Gazeta Express.

Trajneri i Bayernit Hansi Flick tha të mërkurën se synim i tij në verë do të jetë blerja e lojtarëve anësorë, ndërsa zëvendëskryetari Uli Hoeness përsëri e ka shprehur dëshirën për të arritur ujdi me Manchester Cityn.

Kampioni gjerman deshi ta blinte Sanen verën e kaluar, por ai e pësoi një lëndim të rëndë në gju në fillim të sezonit 2019/20 dhe nuk ka luajtur futboll që prej atëherë.

Sezonin e kaluar, Sane i zhvilloi vetëm 21 ndeshje si titullar në Premierligë.

Shpërndaje në rrjete sociale

Lajmet më të lexuara

Të ngjashme

Foto lajm