Google ADS

Barrierat e vendosura tek rrethet në Prishtinë nuk i gjen askund në botë

14:47 | 9 Qershor 2020
Arbresh.info

Në Prishtinë, tash e një javë kanë filluar të vendosen barriera nëpër disa rrethe.

Ato siç kanë bërë të ditur nga Komuna e Prishtinës, janë vendosur për të mundësuar një qarkullim më të mirë dhe më të saktë të ngasësve të automjeteve nëpër rrethrrotullime.

Por, profesori i komunikacionit, Bekim Ahmeti, në një intervistë për arbresh.info, këto masa i vlerëson si të duhura me qëllim që të mos bëhen gabime nga shoferët.

“Sinjalizimi në këtë rreth është jashtëzakonisht i qëlluar prej anës së Komunës sepse rregullat në komunikacion bëhen në përgjithësi për krejt qytetarët kurse masat preventive bëhen për ata që i shkelin rregullat”, ka thënë Ahmeti për arbresh.info.

Sipas Ahmetit kësi lloj modeli në botë nuk ka diku, ndërsa shton se edhe në Evropë nuk beson që mundet të shihen diçka kësisoj.

“Përveç turbo rrethrrotullimi që është zbuluar së fundi ka diçka pengesa mirëpo jo të tilla diçka”, është shprehur ai./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm