Hoti përsërit: Qeveria udhëheqë me dialogun

10:38 | 6 Qershor 2020
Arbresh.info

Pas heqjes së reciprocitetit me Serbinë, kryeministri Avdullah Hoti ka thënë se dialogun do ta udhëheqë ai.

Hoti edhe njëherë ka përsëritur se është Qeveria ajo që do të udhëheqë me dialogun dhe se kompetencat nuk do t’i transferohen Presidentit, siç është raportuar nëpër media, transmeton portali arbresh.info.

“Tashmë dihet kush e udhëheqë në bazë të kompetencave kushtetuese, edhe po të doja unë nuk mund t’i transferoj kompetenca e mia kushtetuese as te Presidenti e te askush tjetër. Nuk dua dhe nuk do t’i transferoj, kemi marrë përgjegjësinë dhe zotimin se do ta marrim përsipër dialogun. Dialogu udhëhiqet nga Qeveria e Kosovës që i raporton Kuvendit”, deklaroi ai.

Gjatë mbledhjes së sotme të Qeverisë është marrë vendim që të hiqet reciprociteti i vendosur nga ish kryeministri Albin Kurti./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm