Zëvendëskryeministri i parë i Republikës së Kosovës në qeverinë Hoti, Besnik Tahiri ka falënderuar partinë e tij dhe deputetët për besimin që i dhanë kabinetit qeveritar, pjesë së cilës është edhe vetë ai.

Tahiri, përmes një postimi në Facebook, ka shkruar se këtë pozitë nuk e sheh si privilegj por si përgjegjësi ndaj vendit e shoqërisë.

Ai, ka folur edhe për angazhimin dhe qëllimet e tij në këtë pozitë.

“Përcaktimi im është angazhimi politik e profesional me synim të qartë në shërbim të institucioneve dhe shtetit. Do të angazhohem si përherë, të mos kufizohem në dallimet politike e konceptuale, përkundrazi do të kultivojë vlerën e bashkëpunimit. Do të vazhdoj ta kultivojë debatin përmbajtjesor, konsultimin e përhershëm dhe bashkëpunimin pa dallime në funksion të punëve të mira që mund t’i bëjmë së bashku”, ka shkruar Tahiri./arbresh.info

Postimi i plotë:

Të nderuar qytetarë,

Me besimin e deputetëve të Kuvendit të Republikës së Kosovës, Aleancës për Ardhmërinë e Kosovës e të Kryeministrit Ramush Haradinaj nga sot do të mbajë pozitën e zëvendëskryeministrit të parë. Këtë pozitë, nuk e shoh si privilegj por si përgjegjësi ndaj vendit e shoqërisë!

Përcaktimi im është angazhimi politik e profesional me synim të qartë në shërbim të institucioneve dhe shtetit. Do të angazhohem si përherë, të mos kufizohem në dallimet politike e konceptuale, përkundrazi do të kultivojë vlerën e bashkëpunimit. Do të vazhdoj ta kultivojë debatin përmbajtjesor, konsultimin e përhershëm dhe bashkëpunimin pa dallime në funksion të punëve të mira që mund t’i bëjmë së bashku.

Si shtet dhe shoqëri, e kemi domosdoshmëri të marrim më të mirën nga secili, duke sjell sinergji në funksion të progresit, zhvillimit dhe synimeve tona të përbashkëta euro-atlantike.

Faleminderit të gjithëve për besimin!