Lëvizja Vetëvendosje nuk po pajtohet kurrsesi me vendimin e  Gjykata Kushtetuese.

Kështu ky subjekt politik kërkon që ti u sigurohet pajisja me procesverbalet dhe transkriptet e Gjykatës Kushtetuese.

Kështu ka bërë të ditur shefi i Grupit Parlamentar të Lëvizjes Vetëvendosje, Rexhep Selimi përmes një postimi në Facebook.

Selimi, ka bërë të ditur se ai në emër të VV-së ka kërkuar nga Gjykata të iu ofrojë të gjitha dokumentet, duke përfshirë edhe procesverbalet dhe transkriptet që pasqyrojnë procesin e shqyrtimit dhe të marrjes së vendimit nga ana e Gjykatës Kushtetuese./arbresh.info

Postimi i tij i plotë:

Kërkojmë pajisjen me procesverbalet dhe transkriptet e Gjykatës Kushtetuese Marrë parasysh rëndësinë dhe ndikimin e madh për rendin kushtetues dhe demokracinë në vendin tonë, domosdoshmërinë për pasqyruar gjithë procesin e shqyrtimit dhe të vendosjes nga ana e Gjykatës Kushtetuese për dekretin antikushtetues të presidentit, sot Kryetari i Grupit Parlamentar i Lëvizjes VETËVEDOSJE! Z. Rexhep Selimi ka kërkuar nga Gjykata që në përputhje me përgjegjësinë për të qenë e hapur dhe transparente për publikun, e veçanërisht për palët, që në afat sa më të shpejtë dhe në format autentik të na ofrojë të gjitha dokumentet, duke përfshirë edhe procesverbalet dhe transkriptet që pasqyrojnë procesin e shqyrtimit dhe të marrjes së vendimit nga ana e Gjykatës Kushtetuese për rastin KO72/20.
Dekreti antikushtetues i Presidentit nuk mund të justifikohet përmes Kushtetutës së Republikës së Kosovës, ashtu sikurse aktgjykimi i Gjykatës Kushtetuese është vënë mbi Kushtetutën për ta arsyetuar Presidentin. Andaj si palë në këtë rast, kërkojmë të njihemi me dokumentet që dëshmojnë se mbi çfarë baze është argumentuar ajo që nuk mund të argumentohej në dritën e Kushtetutës së Republikës së Kosovës.