Google ADS

Grenell: Të gjithë duhet ta respektojnë vendimin e Gjykatës, pres të punoj me Qeverinë e re

00:25 | 29 Maj 2020
Trina Galanxhi

Richard Grenell, i dërguari i posaçëm i presidentit amerikan, Donald Trump, për dialogun Kosovë-Serbi, ka reaguar pas vendimit të Gjykatës Kushtetuese rreth dekretit të presidentit Hashim Thaçi për mandatarin për kryeministër.

Gjykata Kushtetuese e Kosovës ka vendosur me votë unanime që vendi nuk shkon në zgjedhje pas mocionit të mosbesimit, por hapet rruga për krijimin e qeverisë së re.

Gjykatësit kanë marrë vendim edhe sa i përket afatit që ka mandatari për krijimin e qeverisë, por pro kësaj kanë votuar 7 gjykatës, 2 kanë dalë kundër.

“Gjykata Kushtetuese foli. Për të garantuar paqen dhe stabilitetin, dhe për të ruajtur integritetin e sistemit të drejtësisë në Kosovë – të gjithë duhet ta respektojnë vendimin e Gjykatës”, është shprehur Grenell, në një deklaratë për Gazetën Express.

“Pres të vazhdoj bashkëpunimin tim me popullin e Kosovës dhe me qeverinë e tyre, për të sjellë prosperitet, zhvillim, dhe punë në rajon”, ka thënë Grenell.

Shpërndaje në rrjete sociale

Lajmet më të lexuara

Të ngjashme

Foto lajm