Mickoski: Gushti dhe shtatori, periudha më e mirë për mbajtjen e zgjedhjeve

23:08 | 25 Maj 2020
L G

Kryetari i OBRM-PDUKM-së Hristijan Mickoski, konsideron se fundi i muajit gusht dhe fillimi i muajit shtator, janë periudha më të mira për mbajtjen e zgjedhjeve.

Ai tha se duhet të merret parasysh shëndeti i qytetarëve, ndërsa shtoi se kjo periudhë është më e përshtatshme, përcjell Telegrafi Maqedoni.

Mickoski në intervistë për TV Klan, tha se LSDM mendon ndryshe në lidhje me mbajtjen e zgjedhjeve.

“Ata mendojnë se ministri i tyre ka simpati tek disa qytetarë dhe mendojnë se do të marrin mbështetje. Por ka edhe qytetarë të cilët nuk do të dalin për shkak të frikës nga virusi, por edhe për shkak të dëshpërimit nga kjo qeveri, e cila ka premtuar shumë, ndërsa nuk ka bërë asgjë”, tha Mickoski.

Ndryshe, data e zgjedhjeve akoma nuk është caktuar, ndërsa pritet të bëhet në takimin e ardhshëm të liderëve.

Shpërndaje në rrjete sociale

Lajmet më të lexuara

Të ngjashme

Foto lajm