Google ADS

ATK me njoftim të rëndësishëm për kuponët fiskalë

11:35 | 23 Maj 2020
Arbresh.info

ATK’ja ka njoftuar se ka pranuar një numër të konsiderueshëm të pyetjeve të qytetarëve lidhur me ri-fillimin e kampanjës për rimbursim nga kuponët fiskal, e cila është ndërprerë gjatë kohës së pandemisë.

Përmes një komunikate drejtuar mediave, ATK’ja ka bërë me dije se ende nuk është vendosur për ri-fillimin e kampanjës për rimbursim të kuponëve fiskalë.

“Aktualisht menaxhmenti i Administratës Tatimore të Kosovës ende nuk ka marre vendim që të fillohet me kampanjën, pasi që çdo veprim i ATK-së por edhe i gjitha institucioneve tjera në situatën në të cilën gjendemi si pasoj e pandemisë, ndërlidhet me masat lehtësuese nga Qeveria e Republikës së Kosovës-Ministria e Shëndetësisë.

Të nderuar qytetarë, ATK menjëherë pasi të marr vendim për ri-fillimin e kampanje për rimburësim të kuponëve fiskal, do t’ju informoj në kohë, në mënyrë që secili nga ju të keni mundësi të jeni pjesë e saj”, thuhet në njoftimin e tyre.

Shpërndaje në rrjete sociale

Lajmet më të lexuara

Të ngjashme

Foto lajm