Google ADS

Policia izraelite sulmoi palestinezët që dëshironin të faleshin rreth Xhamisë al-Aksa

08:29 | 23 Maj 2020
Arbresh.info

Policia izraelite ka intervenuar ndaj palestinezëve të cilët kanë dëshiruar të falin namazin e jacisë dhe teravisë pranë derës së Mesxhid-i Aksasë, që gjendet në Kudsin e pushtuar Lindor, transmeton Anadolu Agency (AA).

Sipas një njoftimi të bërë nga Qendra e Informimit “Vadi Hilve”, një organizatë palestineze e të drejtave të njeriut, thuhet se forcat izraelite kanë sulmuar me shkopinj gome palestinezët e mbledhur para portës al-Asbat të Mesxhid-i Aksasë për të falur namazin e jacisë dhe teravisë.

Në njoftim theksohet se forcat izraelite kanë parandaluar faljen e namazit dhe kanë larguar grupin nga zona, duke shtuar se disa të rinj që kanë reaguar janë arrestuar.

Policia izraelite edhe në Natën e Kadrit nuk kishte lejuar palestinezët që të zhvillojnë adhurimet e tyre përreth Mesxhid-i Aksasë.

Mesxhid-i Aksa ishte mbyllur më 22 martspër adhurime, për shkak të pandemisë së koronavirusit të ri (COVID-19).

Shpërndaje në rrjete sociale

Lajmet më të lexuara

Të ngjashme

Foto lajm