Google ADS

SHBA do të tërhiqet nga marrëveshja e kontrollit të armëve

18:32 | 21 Maj 2020
Arbresh.info

Shtetet e Bashkuara kanë njoftuar se do të tërhiqen nga një marrëveshje e madhe që lejon fluturime mbikëqyrëse ajrore të paarmatosura mbi dhjetëra shtete pjesëmarrëse.

Traktati i Qiejve të Hapur hyri në fuqi më 2002 dhe është dizajnuar për të rritur besimin dhe sigurojë kundër sulmeve, transmeton portali arbresh.info.

Por, zyrtarë të lartë amerikanë thanë se shteti i tyre po tërhiqet për shkak të shkeljeve të vazhdueshme nga ana e Rusisë.

SHBA do të informojë Rusinë për vendimin të premten dhe zyrtarisht të tërhiqet në gjashtë muaj, thanë zyrtarët.

“Gjatë këtij rishikimi është bërë jashtëzakonisht e qartë se nuk është më në interesin e Amerikës të mbetet një palë e Traktatit të Qiejve të Hapur”, tha një zyrtar për agjencinë e lajmeve Reuters.

Rreth 35 kombe janë palë në traktat, përfshirë Rusinë, Kanadanë dhe Mbretërinë e Bashkuar.

Në braktisjen e Traktatit të Qiejve të Hapur, presidenti Donald Trump po heq dorë nga një marrëveshje për kontrollin e armëve që u pa si thelbësore për transparencën gjatë viteve të menjëhershme të pas Luftës së Ftohtë. Por ai gjithashtu është duke bllokuar një marrëveshje që shumë ekspertë besojnë se ende mban përfitime të mëdha për SHBA-të./arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm