Komuna e Ferizajit ​dhuron tabletë e laptopë për nxënësit me nevoja të veçanta

17:12 | 21 Maj 2020
Arditë Shkodra

Nxënësit me nevoja të veçanta në Ferizaj nga sot do ta kenë më lehtë përcjelljen e mësimit online, pasi janë pajisur me tabletë e laptopë.

Kryetari i Komunës së Ferizajt Agim Aliu tha se sot ka dhuruar pajisjet për disa nga nxënësit me nevoja të veçanta, ndërsa dhjetëra të tjerë do t’i marrin përmes shoqatave e organizatave të personave me nevoja të veçanta.

“Ne përzgjodhëm aty ku kërkonte më së shumti nevoja, që familjet me fëmijë me nevoja të veçanta ta kenë më të përballueshme punën me mësimet online të fëmijëve të tyre. Faleminderit donatorëve, kompanive “Ecolog” – Lazim Destani për tabletët dhe Elkos Group për laptopët”, ka shkruar Aliu në Facebook.

Shpërndaje në rrjete sociale

Lajmet më të lexuara

Të ngjashme

Foto lajm