Google ADS

Ambasada e Kosovës në Romë njofton se së shpejti do të riatdhesohen qytetarët e mbetur në Itali

19:39 | 20 Maj 2020
Arbresh.info

Ambasada e Kosovës në Itali, ka njoftuar bashkatdhetarët se janë në pritje të autorizimit për fluturimin Itali-Kosovë.

Ambasada e RKS në Romë dhe Konsullata e Përgjithshme në Milano, bëjnë të ditur se tashmë kanë kryer sipas procedurave përkatëse ligjore të gjithë procesin e mbledhjes dhe dërgimit të listave/kërkesave pranë institucioneve/autoriteteve përkatëse në Prishtinë, të cilët kanë kompetencë ekskluzive për adresimin e tyre, sipas rasteve emergjente dhe disponueshmërisë logjistike të strukturave të destinuara për karantinimin e detyrueshëm që parashikohet me ligj.

“Aktualisht, ju informojmë se jemi në pritje të autorizimit për organizimin e fluturimit Itali-Kosovë, i cili do të realizohet brenda muajit maj 2020, detajet si data, aeroporti/qyteti i nisjes dhe orari do të publikohen së shpejti në ueb faqen tonë dhe në platformat tona të rrjeteve sociale”, thuhet në njoftim.

Shpërndaje në rrjete sociale

Lajmet më të lexuara

Të ngjashme

Foto lajm