Bayern Munich dëshiron t’ia vazhdojë huazimin Philippe Coutinho-s

23:44 | 18 Maj 2020
Arbresh Info

Bayern Munich nuk mendon ta paguajë vlerën e 120 milionë euro për të kompletuar transferimin e mesfushorit ofansiv të Barcelonës, Philippe Coutinho.

Mirëpo, gjiganti gjerman gjithashtu nuk dëshiron ta largojë brazilianin nga “Allianz Arena”, transmeton portali arbresh.info.

Sipas Mundo Deportivo, Bayern dëshiron që ta huazojë edhe për një tjetër sezon Coutinho-n me mundësi blerje, por kuptohet që edhe vlera e lojtarit të zvogëlohet.

Braziliani nisi në mënyrën më të mirë huazimin te Bayern nën urdhrat e Niko Kovac, por nuk ia ka dal të shkëlqejë nën Hans Flick.

27-vjeçari këtë sezon në fanellën e “Bavarezëve” ka bërë 32 paraqitje duke kontribuar me nëntë gola dhe tetë asistime.

Të interesuar për shërbimet e Coutinho-s mbesin Tottenham dhe Chelsea./arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm