Fillon ndërtimi i Ambulantës së Mjekësisë Familjare në fshatin Breznicë të Obiliqit

21:26 | 18 Maj 2020
Arbresh Info

Është bërë vënia e gurthemelit për ndërtimin e Ambulantës së Mjekësisë Familjare(AMF-së) në fshatin Breznicë të Komunës së Obiliqit.

Vlera e këtij projekti është 77 mijë euro donacion nga organizata Zakat House i shtetit të Kuvajtit, mundësuar nga organizata Duart e Bamirësisë.

Gjatë kësaj ceremonie kryetari i Komunës së Obiliqit, Xhafer Gashi, theksoi se ky është një hap tjetër i rëndesishëm drejt ofrimit dhe rritjes të cilësisë së shërbimeve shëndetësore për qytetarët.

“Me vënien e këtij gurthemeli, po bëhet një hap tjetër i rëndesishëm drejt ofrimit dhe rritjes të cilësisë së shërbimeve shëndetësore për qytetarët në lagjet ku ata jetojnë, njëheritë tregon qartë përkushtimin e qeverisjes sime në mënyrë që qytetarëve të ju krijohet mundësia në shërbime sa më të afërta dhe sa më të mira të mundshme, konkretisht projekti në fjalë do ju ofroj marrjen e shërbimeve shëndetësore banorëve të fshatit Breznicë dhe fshatrave përreth”, tha ai.

 

 

Shpërndaje në rrjete sociale

Lajmet më të lexuara

Të ngjashme

Foto lajm