Google ADS

Klubi i Milot Rashicës me komunikatë zyrtare, izolohet futbollisti për shkak të COVID-19

22:20 | 15 Maj 2020
A. B.

Në prag të rifillimit të Bundesligës, klubi i Werder Bremenit (do të luajë të hënën kundër Bayer Leverkusenit) njoftoi pozitivitetin e një të afërmi të një prej lojtarëve të ekipit.

Pavarësisht se futbollisti, emri i të cilit nuk bëhet i ditur nga klubi (mediet kanë zbuluar se është veterani Claudio Pizarro), ishte negativ, izolimi për të është i detyrueshëm.

“Nuk ka rreziqe për ekipin dhe stafin tonë. Procedura tregon se protokolli mjekësor funksionon, personat e infektuar mund të identifikohen në një fazë të hershme dhe për këtë arsye merren masat e nevojshme”, kështu u shpreh drejtori sportiv i Werderit, Frank Baumann.

Postimi në Twitter i Werder Bremenit.

“Për shkak të testit pozitiv të një të afërmi të tij, një lojtar i Werderit u karantinua për dy javë. Lojtari në fjalë doli negativ pasi iu bë testi për Koronavirusin”.

Shpërndaje në rrjete sociale

Lajmet më të lexuara

Të ngjashme

Foto lajm