Adil Behramaj, këshilltari i presidentit të Kosovës Hashim Thaçi përmes një postimi në llogarinë e tij në Facebook ka thënë se Qeveria Kurti po i merr meritat për luftimin e pandemisë, kurse nuk po marrin përgjegjësi për vdekjen e të riut nga Gjilani.

Ky reagim i Behramajt ka ardhur pasi që Lëvizja Vetëvendosje kanë paralajmëruar padi ndaj presidentit Thaçi, i cili gjatë ditës e akuzoi Kurtin dhe dy vartësit e tij, Xhelal Sveclën dhe Arben Vitinë se e shtynë drejt vetëvrasjes të riun Agon Musliu, transmeton arbresh.info

“Dhe, kur të vërtetat iu thuhen publikisht, pa qenë të vetëdijshëm për përgjegjësinë institucionale që bartin, këta çohen dhe reagojnë kishe si parti”, ka shkruar tutje Adil Behramaj.

Postimi i tij i plotë:

Luftën kundër pandemisë e përvetësuan si meritë të Qeverisë. Por, vdekjen tragjike të të riut nga Gjilani, që humbi jetën në duart e shtetit si pasojë e masave antikushtetuese, nuk e pranuan kurrë si përgjegjësi të tyre!

Po bëhen gati dy javë nga kjo tragjedi dhe ende asnjë ministër i kësaj Qeverie nuk dha dorëheqje!

Babait të Agonit, që pareshtur kishte bërë përpjekje të bisedonte me djalin e tij tashmë të ndjerë, takimi i ishte mohuar. Ndërsa, hiç më larg se sot, një zyrtar i lartë i Vetëvendosjes u raportua se djalin e tij e kishte pritur edhe personalisht në aeroport, pa iu bërë atij as testi nëse ishte i infektuar.