Të premten e ardhshme do të mbahet ankandi i gjashtë i Letrave me Vlerë

10:58 | 15 Maj 2020
Arbresh.info

Të premten e ardhshme, më 22 maj 2020 do të mbahet ankandi i gjashtë për këtë vit.

Kështu ka njoftuar Ministria e Financave dhe Transfereve, shkruan arbresh.info.

Në këtë ankand, do të emetohen Obligacione me maturitet 5 vjeçar në shumën prej 25 milionë euro.

“Investimi në Obligacione është investim i sigurt, i garantuar me Ligjin për Borxhin Publik, ku interesi i përcaktuar nga tregu ju garantohet për të gjithë kohëzgjatjen 5 vite dhe është tërësisht i liruar nga tatimi”, thuhet në njoftim.

Në njoftim thuhet gjithashtu se për detaje rreth pjesëmarrjes në ankande për blerjen e letrave me vlerë, të interesuarit të kontaktojnë ndonjërën nga Bankat Komerciale që operojnë në Republikën e Kosovës./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm