Gjermania shënon 933 raste të reja të koronavirusit për 24 orë

08:23 | 12 Maj 2020
Arbresh.info

Instituti për sëmundje ngjitëse “Robert Koch” njoftoi se gjatë 24 orëve të kaluara në Gjermani janë shënuar 933 raste të reja të koronavirusit.

Kështu, numri i përgjithshëm i të prekurve nga Covid-19 në ekonominë më të madhe të Evropës shkoi në 170,508 persona, shkruan “Reuters”, transmeton Gazeta Express.

Përpos të infektuarve, gjatë kësaj periudhe u shënuan edhe 116 vdekje të reja dhe numri i përgjithshëm i rasteve fatale shkoi në 7,533.

Gjermania është në mesin e vendeve evropiane me më së shumti të infektuar, por ka shkallë dukshëm më të ulët të vdekshmërisë në krahasim me Italinë, Spanjën, Francën dhe Britaninë e Madhe.

Qeveria gjermane i ka larguar disa masa të kufizimeve, por infektologët kanë paralajmëruar se ky vendim mund të shkaktojë rritje të numrit të rasteve.

Shpërndaje në rrjete sociale

Lajmet më të lexuara

Të ngjashme

Foto lajm