Mbretëresha e Britanisë së Madhe, Elizabeth II, duke dashur të ngrejë moralin e britanikëve të prekur nga pandemia është shprehur se ‘nuk duhet humbur shpresën’.
Fjalimi u regjistrua në kalanë Windsor, rreth 40 kilometra larg Londrës, ku Mbretëresha (94) dhe burri i saj, Princi Filip (98) u tërhoqën për shkak të epidemisë së koronavirusit, transmeton portal arbresh.info
“Në fillim, perspektiva ishte e errët, rezultati dukej i largët dhe i pasiguritë. Megjithatë, ne besuam në gjënë e duhur dhe ia dolëm. Asnjëherë mos u dorëzohi, kurr mos e humbisni shpresën. Ky është një mesazh në ditën e fitores në Europë”, tha ajo gjatë fjalimit që u transmetua në BBC në 8 pasdite, pikërisht në kohën kur babai i saj, Mbreti George VI, foli në radio në 1945.
Ky është fjalimi i dytë i Mbretëreshës që nga fillimi i pandemisë në Britani të Madhe, që morri jetën e më shumë se 31 mijë njerëzve.
Duke përmendur ushtarët që vdiqën në luftë, mbretëresha vlerësoi se “nderi më i madh për ta është se disa vende, dikur armiq të përhumbur, tani miq, punojnë krah për krah për paqen, shëndetin dhe prosperitetin e të gjithëve”.
Në Britaninë e Madhe, për shkak të epidemisë, të gjitha ceremonitë kushtuar përvjetorit të përfundimit të Luftës së Dytë Botërore u anuluan. Britanikët ishin të ftuar të bëjnë respektin e tyre për viktimat në shtëpitë e tyre dhe të këndojnë këngën “Do të takohemi përsëri” që ushtarët kënduan në atë kohë për të ngritur moralin./arbresh.info/
Ngritet aktakuzë ndaj 16 personave për krim të organizuar
Trepça sonte kërkon fitoren e parë në Fiba Europe Cup
Osmani përmbyll vizitën në New York
Sot varrosen dy të rinjtë që humbën jetën nga aksidenti trag...
Champions League vazhdon edhe sonte, kryendeshja në Spanjë
Obama befason turmën në mitingun e Harris, bën rap me këngën...