Shkalla e papunësisë në SHBA është rritur në 14.7%, me 20.5 milionë vende pune të humbura gjatë muajit prill, pas goditjes nga pandemia e koronavirusit.

Kjo rritje do të thotë se shkalla e papunësisë tani është me rënda që nga viti 1930, shkruan bbc, transmeton arbresh.info.

E vetëm dy muaj më parë, shkalla e papunësisë ishte 3.5%.

“Ne e kemi futur ekonominë tonë në një gjendje kome, në mënyrë që të shpëtojmë nga pandemia e shkaktuar të shkaktuar dhe kjo ka çuar në humbjen më të shpejtë të vendeve të punës të parë në ndonjëherë në të dhënat moderne”, ka thënë ekonomisti Erica Groshen, ish-kreu i Byrosë së Statistikave të Punës të qeverisë.

Raporti i Departamentit të Punës tregoi rënie në çdo sektor të ekonomisë.

Aty thuhet se shumica e vendeve të humbura ose  18.1 milionë prej tyre  u përshkruan si pushime të përkohshme, një shenjë se shumë kompani shpresojnë se ekonomia do të jetë në gjendje të kthehet.

Por ekonomistët paralajmërojnë se nëse zgjatë pandemia dhe kufizimet atëherë mund të ketë ndryshime të mëdha në biznese.

“Edhe një pushim i përkohshëm mund të shndërrohet në një të përhershëm nëse biznesi nuk mbijeton ose nëse biznesi duhet të ndryshojë modelin e tij të biznesit në mënyrë dramatike sa të ketë nevojë për numra të ndryshëm ose një lloj punëtori tjetër”, tha Groshen./arbresh.info/