Italia, ku më shumë se një e katërta e numrit të përgjithshëm të punëtorëve të korrjeve janë të huaj, nga BE e jashtë saj, i mungojnë 250,000 sosh sezonalë, pas masave kufizuese dhe një ndalimi të lëvizjes për shkak pandemisë koronare, raportojnë mediat italiane.
Masat kufizuese të paraqitura në luftën kundër sëmundjes Covid-19, nga ndalimi i kalimit të kufijve deri tek detyrimi për të karantinuar pas mbërritjes, kanë çuar në mungesë të një çerek milioni punonjësve sezonalë të bujqësisë.
Qeveria italiane është e ndarë në lidhje me lëshimin e lejeve për migrantët e paligjshëm që qëndrojnë në Itali, dhe ministrja e Bujqësisë Teresa Bellanova ka kërcënuar të japë dorëheqjen nëse masa nuk miratohet.
Mundësia e zgjatjes automatikisht të lejeve të qëndrimit që kanë skaduar midis janarit dhe prillit deri më 31 dhjetor po merret në konsideratë.
Sipas shoqatës italiane Coldirreti, një e treta e punëtorëve sezonalë vijnë nga Rumania, një anëtar i BE.
Të tjerët janë: rreth 35,000 punëtorë nga Maroku, rreth 24,000 indianë, rreth 32,000 nga Shqipëria, rreth 14,000 nga Senegali, 13,000 punëtorë nga Polonia dhe Tunizia, dhe rreth 11,000 nga Bullgaria. /tesheshi.com/
Valverde pas ndeshjes: Nuk na intereson fitorja tani, me rën...
Hadar akuzon gjyqtarët pas humbjes ndaj Yllit, paralajmëron ...
Fushata zgjedhore/ Trump rikthehet në vendin ku iu bë atenta...
Moment emocionues/ Kroos i pranishëm në “Santiago Bernabeu”,...
Shtatë persona u lënduan nga një aksident në rrugën Mitrovic...
Real Madrid rikthehet tek fitorja mposht Villarealin