Në Finlandë ministrja e Shëndetësisë, Aino-Kaisa Pekonen dhe ministrja e Punës, Tuula Haatainen, janë vendosur në karantinë me dyshimin për koronavirusin e ri (COVID-19), transmeton Anadolu Agency (AA).
Kryeministrja Sanna Marin ka vendosur që qeveria të punojë në distancë të paktën deri në këtë fundjavë. Ndërkohë ministrja e Shëndetësisë dhe ministrja e Punës njoftohet se do të vazhdojnë të punojnë nën kushte karantine, ndërsa ministrat e tjerë në distancë.
Në një deklaratë nga qeveria thuhet se Pekonen dhe Haatainen kanë ndarë të njëjtin mjedis me një person që dyshohet si mbartës i COVID-19, për të cilin sot janë kryer testet, rezultatet e të cilëve do të përcaktohen brenda 48 orëve.
Vendosja në karantinë e dy ministreve dhe fillimi i punës në distancë i qeverisë ka ndikuar pjesërisht edhe në punimet e parlamentit në Finlandë. Ndër të tjera është shtyrë seanca e zakonshme e cila zhvillohet të enjteve dhe ku deputetët u drejtojnë pyetje ministrave.
Aliu: Taskforca e mjedisit ka ndërmarr mbi 20 aksione për të...
Kryemadhi pas daljes nga gjykata: Më shqetëson prezenca me M...
Miratohet projektligji për ndarjen e mjeteve buxhetore për F...
Mungon Konjufca, Lekaj, Kadrijaj, Baftiu e Dërguti – dështon...
Miratohet vendimi për krijimin e komitetit për mbikëqyrjen e...
Geci pyetet për dallimet në mes LPK-së dhe LDK-së: Kundërsht...