Aleanca për Ardhmërinë e Kosovës (AAK) ka qartësuar të gjitha detajet për bashkëqeverisje me Lidhjen Demokratike të Kosovës (LDK), edhe pse janë në pritje të vendimit nga Gjykata Kushtetuese për dekretin e presidentit për mandatarin e Qeverisë së re.
Deputeti i AAK-së, Pal Lekaj, ka bërë të ditur për Ekonomia Online se e mirëpresin çfarëdo vendimi nga Gjykata Kushtetuese.
Ish-ministri i Infrastrukturës, theksoi se në këtë Qeveri do të ketë ndërtime të autostradave pavarësisht dallimeve që kanë më LDK-në për këto projekte.
Ai tha se janë dakorduar që Autostrada e Dukagjinit të përfundojë në këtë qeverisje, ndonëse ky projekt u ndërpre nga Qeveria në detyrë, përkatësisht ministri Lumir Abdixhiku, që vije nga LDK-ja.
Lekaj ka folur edhe për ministritë e caktuara për Qeverinë e re në ardhje, nga të cilat tha se nuk ka pranuar që të jetë ministër në këtë mandat.
Ai potencoi se AAK-ja do të ketë ministrinë e Punëve të Jashtme me Meliza Haradinaj, ministrinë e Drejtësisë, Selim Selimi, ministrinë e Arsimit Ramë Lika, ministrinë e Zhvillimit Ekonomik, Blerim Kuq si dhe pozitën e zëvendëskryeministrin e parë në krye me Besnik Tahirin.
Ndryshe, Avdullah Hoti, kishte deklaruar se kjo autostradë nuk do të behet në qeverinë LDK-VV.
Janjiq: Luhatjet politike rreth njohjes së Kosovës të panevo...
Maqedonci: Armatosja e Serbisë, rrezik për stabilitetin në B...
“Më pëlqen Cristiano, por idhulli im është Messi”, sensacion...
Trump: Vdekja e Sinwar lehtëson perspektivat e paqes në Gaza
Bislimi: Progresi i integrimit evropian të Kosovës, nuk ka q...
Theren me thikë dy të mitur në Fier, në pranga bien dy perso...