Shërohen 45 pacientë nga Covid-19 në Maqedoni

15:54 | 2 Maj 2020
Arbresh.info

Ministria e Shëndetësisë nëpërmjet një kumtese bëri të ditur se Instituti për Shëndet Publik ka regjistruar 45 pacientë të shëruar.

Prej pacientëve të shëruar, 19 janë nga Shkup, 25 nga Kumanova dhe një nga Prilepi.

Gjithashtu në Klinikën për Sëmundje Infektive për herë të parë që nga fillimi i epidemisë, në 24 orë nuk ka pranim të pacientëve të rinj të infektuar me Covid-19. Në këtë klinike humbi jetën edhe një pacient, 61 vjeçar nga Struga ndërsa momentalisht 39 pacientë janë hospitalizuar, njofton telegrafi maqedoni.

Gjatë ditës së djeshme janë bërë 199 testime ndërsa në spitalin ‘8 shtatori’ janë pranuar 9 pacientë të rinj dhe 29 janë të hospitalizuar.

Në spitalin e Manastirit shërohen 4 pacientë ndërsa në shërim shtëpiak janë 3 persona. Në Spitalin e Shtipin ka 2 pacientë dhe 4 prej tyre janë në shërim shtëpiak, kurse në Repartet Infektive në Prilep, Veles, Kumanovë, Ohër, Gostivar dhe Tetovë janë hospitalizuar 47 pacientë me Covid-19.

Shpërndaje në rrjete sociale

Lajmet më të lexuara

Të ngjashme

Foto lajm