Policia katalanase njoftoi të martën se ka arrestuar një të dyshuar lidhur me një seri vrasjesh të tmerrshme që në objektiv kishte njerëzit e pastrehë në pjesën qendrore të Barcelonës që nga fillimi i masave të bllokimit, raporton Anadolu Agency (AA).
Mbrëmë vonë, një burrë u gjet i rrahur për vdekje në rrugët në rrethin Eixample të Barcelonës. Disa orë më vonë policia arrestoi të dyshuarin.
Që nga fillimi i bllokimit në Spanjë, i cili hyri në fuqi më 14 mars, katër njerëz që jetojnë në rrugë në të njëjtën lagje janë vrarë brutalisht.
“Lidhja e të arrestuarit me vdekjet e njerëzve të tjerë të pastrehë në Barcelona në javët e fundit aktualisht është duke u hetuar”, thuhet në deklaratën e policisë.
Vrasja e parë e një personi të pastrehë në Eixample u regjistrua në 19 mars. Tre të tjerë u regjistruan në prill.
Eixample, një qark modern në qendër të qytetit të Barcelonës, është vendi ku ndodhet bazilika e famshme Sagrada Familia.
I dyshuari është një 35-vjeçar nga Brazili i cili jeton në një karvan të parkuar në një pyll jashtë qytetit, raporton e përditshmja lokale “La Vanguardia”.
I dyshuari ka mohuar akuzat, por, sipas gazetës, “hetuesit nuk kanë asnjë dyshim se ai është i njëjti person që mund të shihet në pamjet kamerave të kapura në skenat e krimeve të tjera”.
Haradinaj takohet me diasporën shqiptare në Çikago: Secili p...
Pak kohë pas pensionimit nga futbolli, Varane merr një punë ...
Hapet ‘Tenda e errët’ në kuadër të javës së ndërgjegjësimit ...
LVV reagon ndaj opozitës: Me Qeverinë Kurti nuk mund të blih...
Ish-i burgosuri politik që vuajtjen e dënimit në burgun e Bo...
“Shet krema” e “për çka ke ardhë ti këtu?” – nisin debatet e...