Google ADS

Capello, për Lautaron: “Unë do të kisha qëndruar në Inter, në Barçë do të jetë zëvendësues”

20:23 | 27 Prill 2020
L G

Capello ka këshilluar Lautaron që të mos largohet nga Milano

Lautaro Martinez është objektivi numër një i Barcelonës për sulmin.

Luis Suarez ditë pas dite po i afrohet fundit të aventurës me katalunasit, të cilët janë hedhur në sulm për të gjetur një zëvendësues dhe favoriti për të zënë vendin e uruguaianit është Lautaro.

Megjithatë, të shumtë mendojnë se nuk është koha që Martinez të lërë interin, kështu thotë edhe ish trajneri i shumë klubeve dhe kombëtareve, Fabio Capello.

“Nëse do të isha në vend të tij, do të qëndroja në Inter. Në Barcelona do të jetë zëvendësues”, tha Capello.

Ai mendon se Martinez është në vendin e duhur nëse do që të rritet edhe më shumë si futbollist. /Gazeta Express/

Shpërndaje në rrjete sociale

Lajmet më të lexuara

Të ngjashme

Foto lajm