Ronaldo s’e ka ndërmend të lëvizë, pavarësisht krizës për shkak të koronavirusit

11:16 | 25 Prill 2020
A. B.

Cristiano Ronaldo do ta veshë fanellën e Juventusit edhe për të paktën dy vite.

Ai iu bashkua Zonjës së Vjetër nga Real Madridi verën e vitit 2018 dhe nënshkroi kontratë katër vjeçare.

Pavarësisht se lidhet me Paris Saint-Germain, Tuttosport siguron se portugezi ka për qëllim që të respektojë kontratën dhe të qëndrojë në Torino deri më 2022.

35 vjeçari po i kalon këto ditë krize për shkak të COVID-19 në Madeira bashkë me të dashurën dhe fëmijët.

Ai ka shënuar 25 gola dhe ka dhuruar katër asiste në 32 paraqitje për Zonjën e Vjetër para se sezoni të ndërpritet. /Gazeta Express/

Shpërndaje në rrjete sociale

Lajmet më të lexuara

Të ngjashme

Foto lajm