Gjermania është lavdëruar për menaxhimin e saj të krizës mbi Covid-19, por si saktësisht po e llogarit Gjermania numrin e vdekjeve nga koronavirusi.

Vendi ka filluar që të zvogëlojë kufizimet e saj, ndërsa dyqanet e vogla, shitjet e makinave dhe dyqanet e biçikletave janë rihapur me provë pasi u vendos një bllokim bllokimi një muaj më pare, trasmeton portal arbresh.info

Kancelarja Angela Merkel tha se masat e bllokimit ishin ‘drastike’ dhe se masa të tilla nuk janë marrë në historinë e pasluftës në Gjermani.

Shkollat në Gjermani pritet që të rihapen me 4 maj, gjithnjë duke u respektuar distanca sociale.

Numri i rasteve në Gjermani aktualisht është mbi 148 mije, numri i pestë më i lartë i infeksioneve.

Prej tyre, 5.114 persona kanë vdekur në lidhje me COVID-19, që do të thotë se shkalla e vdekshmërisë është 3.45 përqind, që e vendos Gjermaninë në vendin e 84-të në krahasim me të gjitha vendet e infektuara nga koronavirus.

Kjo normë fataliteti krahasohet me rreth 13 përqind në Mbretërinë e Bashkuar, Francë dhe Itali.

Gjermania ka shumë më pak vdekje sesa vendet tjera, sepse ata filluan testimet shumë më herët se vendet tjera.

Për më tepër, Gjermania e ndoqi këtë testim të hershëm me gjurmimin e kontaktit të secilit të infektuar i cili duket se ka qenë i suksesshëm në ngadalësimin e përhapjes së virusit vdekjeprurës.

Gjermania testoi në masë më  herët dhe mësoi shumë se si funksionon dhe përhapet virusi.

Ky testim i fuqishëm i shoqëruar me identifikimin dhe izolimin e pacientëve të infektuar i mundësoi Gjermanisë të parandalojë përhapjen e virusit dhe t’u mundësojë atyre të mbajnë një rekord më të afërt të rikuperimeve dhe vdekjeve.

Ngadalësimi i përhapjes së virusit gjithashtu i mundësoi Gjermanisë të rrisë gatishmërinë spitalore për shpërthim dhe kështu të ulë përsëri vdekjet.

Këto përgatitje të hershme do të thoshin se kishte një vonesë në vdekjet e koronavirusit në vend, pavarësisht se Gjermania raportoi rastin e saj të parë më 27 janar, katër ditë para Italisë.

Gjithashtu, mediat gjermane theksojnë se në rastin e vdekjeve, mjekët gjermanë përpara se të vinë në përfundim se një përson mund të ketë vdekur si pasojë e Covid-19, ata bëjnë ekzaminimet për sëmundjet tjera që mund të kenë shkaktuar vdekjen e pacientit.

Gjermania nuk e pa fatalitetin e saj të parë deri më 9 mars, shumë më vonë se Italia që pa vdekjen e saj të parë më 21 shkurt./arbresh.info/