Jennifer Lopez u padit me 150,000 dollarë sepse publikoi një foto të sajën pa miratimin e fotografit.
Sipas E! News, procedura thotë që 50-vjeçarja përdori një fotografi të marrë nga Sands për të ‘promovuar’ markën e saj në Instagram, ku ajo numëron mbi 119 milionë ndjekës, transmeton portali arbresh.info
Sipas dokumenteve gjyqësore, fotografi i New York-ut, Steve Sands ka akuzuar yllin e “Hustlers” dhe kompaninë e saj të prodhimit Nuyorican Productions për shkelje të drejtave të autorit.
Në padi, thuhet se Lopez e bëri këtë pa leje për të ndarë imazhin në platformën e saj në median sociale dhe pa kompensim për fotografin.
Fotografia në fjalë është një foto e artistes amerikane, e shkrepur nga Sands, e cila prej asaj kohe ka marrë mbi 656,000 pëlqime.
Ajo ishte publikuar për herë të parë në llogarinë e saj në Instagram në 22 qershor 2017.
Sipas dokumenteve të gjykatës, fotografi ka ‘të drejtë në dëme ligjore’ deri në 150,000 dollarë për ‘punë të shkelur’.
Kjo nuk është hera e parë që Jennifer paditet për postime të tilla, pasi në tetor të vitit të kaluar dikush tjetër kërkoi 150,000 dollarë shpërblim prej saj. / arbresh.info/
Erdogan bën thirrje për një embargo armësh ndaj Izraelit
Zbulohet se sa banorë do të hyjnë sot në BBVK
Biden: Armëpushimi është i mundshëm në Liban, por më i vësht...
Përjashtohen me 10 ditë nga seancat deputetët e PD-së Elda H...
Zinedine Zidane nuk kishte asnjë dyshim kur emëroi golin ‘më...
Haradinaj në Universitetin e Chicagos: Kosova pret me paduri...