Google ADS

Samuel Umtiti dëshiron të mbetet Barcelona

16:45 | 20 Prill 2020
Arbresh Info

Mbrojtësi i Barcelonës, Samuel Umtiti nuk e ka ndërmend të largohet nga klubi për të kaluar në Premierë Ligë.

Sipas Diario Sport, francezi preferon të qëndrojë në “Camp Nou” dhe të ‘luftojë’ për një vend në formacionin e Quique Setien, transmeton portali arbresh.info.

Thuhet se Umtiti është përshtatur mjaftë mirë në qytet dhe klub, andaj nuk mendon të largohet nga “Camp Nou”.

Kontrata e tij skadon në vitin 2023, kurse klauzola prek vlerën e ‘çmendur’ prej 500 milionë euro, por skuadrat e tjera mund ta blejnë për vetëm 50 milionë euro.

Shkaku i lëndimeve të shpeshta, Umtiti ka humbur pozitën në formacionin e Barcelonës dhe të Kombëtares së Francës, pozita që i takojnë bashkëlojtarit, Clement Lenglet.

Ka spekulime se Arsenal, Chelsea dhe Manchester United janë të interesuar për qendërmbrojtësin./arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm