Johnny Depp i është bashkuar Instagramit të komunikojë me fansat e tij për shkak të monotonisë nga karantina që është shkaktuar nga pandemia e koronavirusit.

Aktori hollivudian, ka mbledhur më shumë se 2.3 milionë ndjekës në ditën e parë të hapjes së llogarisë, dhe ka falënderuar fansat e tij për mbështetjen e pakusht, transmeton portali arbresh.info.

Postimi i tij i parë ishte një fotografi e tij ku ishte ulur në atë që dukej se ishte brenda një shpellë shandanësh.

“Përshëndetje të gjithëve … duke filmuar diçka për ju tani … më jepni një minutë,” shkroi ylli.

Depp më pas ndau një video tetë-minutëshe nga i njëjti mjedis, në të cilën ai falënderoi fansat dhe dukej se i referonte grindjes së tij të hidhur me ish-gruan Amber Heard, e cila ka çuar në akuza të abuzimit në familje nga të dy palët.

“Faleminderit të gjithëve për mirësinë, mbështetjen tuaj të palëkundur dhe forcën tuaj gjatë këtyre viteve”, tha Depp.

 

View this post on Instagram

 

Collaboration with my dear friend @jeffbeckofficial . Link in Bio

A post shared by Johnny Depp (@johnnydepp) on Apr 16, 2020 at 11:05am PDT

Ylli i Pirates Of The Caribbean zbuloi se ai u nxit të bashkohej në mediat sociale për shkak të pandemisë së koronavirusit.

Ai tha: “Nuk mendoj se kam ndjerë ndonjëherë ndonjë arsye të veçantë për t’u anëtarësuar në media sociale deri më tani.

“Tani është koha për të hapur një dialog, pasi kërcënimi i këtij armiku të padukshëm tashmë ka shkaktuar tragjedi të pa masë dhe dëme në jetën e njerëzve”.

Depp, i cili është pjesë e grupit The Hollywood Vampires, gjithashtu u bëri thirrje ndjekësve të tij që “të kujdesen për njëri-tjetrin” gjatë pandemisë globale dhe i këshilloi ata të mbajnë veten të zënë me punë.

“Ne nuk mund dhe nuk duhet t’i nënshtrohemi mbylljes dhe dorëzimit të asaj që ndjehet si monotoni djallëzore e karantinës,” tha Depp./arbresh.info/