Aliu: Në Ferizaj një rasti të ri me COVID-19 nuk i dihet burimi infeksionit

23:48 | 15 Prill 2020
L G

Kryetari i Ferizajt, Agim Aliu ka thënë se nga 9 rastet e reja pesë prej tyre janë raste që lidhen me Kampin Bondsteel, tre janë raste kontakte nga fshati Topanicë të Kamenicës.

Aliu për RTV Dukagjinin thotë se një rast në këtë komunë është i ri dhe nuk i dihet burimi i infeksionit.

“Do të kontaktojmë me pacientin i cili tashmë është i shtrirë në Klinikën Infektive për të mësuar më shumë se nga mund të ketë ardhur infektimi”, tha ai.

I pari i Ferizajt thotë se të gjitha rasteve tjera u dihet burimi i infeksionit më përjashtim të këtij të fundit.

Aliu thotë se në Ferizaj pritet të rritet edhe më tej numri i të prekurve me COVID-19 pasi sipas tij rasti i Bondsteel-it kishte pasur shumë kontakte.

Ferizaj është komuna e dytë ën nivel Kosove në raport me numrin e të prekurve me COVID-19 me 66 raste, 4 më pak se Malisheva.

Shpërndaje në rrjete sociale

Lajmet më të lexuara

Të ngjashme

Foto lajm