Kryetari i Lidhjes Demokratike të Kosovës, Isa Mustafa, sot mori dritën e gjelbër nga Këshilli i Përgjithshëm i LDK-së për të formuar një koalicion me AAK-në, Nismën Socialdemokrate, AKR-në dhe komunitetet.
Në një intervistë për “Click” të RTV21, Mustafa tregoi se cili do të jetë hapi i ardhshëm i këtij subjekti pas vendimit të sotëm të këshillit.
Mustafa tha se do të presin derisa mandatari Albin Kurti dhe presidenti Hashim Thaçi do t’i përfundojnë të gjitha procedurat e duhura dhe presidenti t’ua jap mandatin.
“Tani ne e kemi një miratim, mirëpo ne nuk do të levizim në këtë aspekt derisa nuk shtjerren të gjitha rrugët”, tha Mustafa.
Kreu i LDK-së theksoi se derisa të marrin mandatin për formimin e Qeverisë së re nuk do ta hapin çështjen e kandidatit për kryeministër.
“Ne e kemi vetëm pëlqimin për të bërë koalicion nga Këshilli, derisa nuk vjen mandati tek ne, nuk do ta hapim cështjen e kandidatit për kryeministër përderisa nuk na ofrohet. Atë procedurë do ta kryejmë shpejt sepse kemi shumë kuadro të mira në LDK”, theksoi Mustafa.
Ismaili takoi Përfaqësuesin e Thesarit të SHBA-së, diskutuan...
Ngritet aktakuzë ndaj shtatë personave për “Kontraband...
Osmani ndan fotografi nga New York: Për ta përfaqësuar Kosov...
Zhduket një i mitur në Gjakovë
Vidhet një shporet në veri, policia duke hetuar rastin
Bora dhe Heidi shumë shpejt me programe televizive, ja ku do...