Izrael, numri i rasteve me COVID-19 shkon në mbi 11.800

14:31 | 14 Prill 2020
Arbresh Info

Numri i rasteve me koronavirusin e ri (COVID-19) në Izrael ka arritur në mbi 11.800, me 117 të vdekur, bëri të ditur sot Ministria e Shëndetësisë e këtij vendi.

Në 24 orët e fundit, një person ka humbur jetën dhe 282 persona u testuan pozitivë ndaj COVID-19, duke e rritur numrin e përgjithshëm të rasteve në 11.868, përfshirë 181 që janë në gjendje kritike.

Ndërkohë, të paktën 2.000 pacientë janë shëruar nga virusi deri më tani.

Qeveria e Izraelit ka ndërmarrë një numër hapash për të penguar përhapjen e virusit, duke përfshirë mbylljen e të gjitha institucioneve arsimore dhe ndalimin e tubimeve të më shumë se 10 personave në zona publike të hapura ose të mbyllura./AA

Shpërndaje në rrjete sociale

Lajmet më të lexuara

Të ngjashme

Foto lajm