Pothuajse 118.500 persona kanë humbur luftën me koronavirusin e ri (COVID-19)
Sipas të dhënave të universitetit amerikan Johns Hopkins, numri i përgjithshëm i rasteve të konfirmuara me koronavirusin e ri (COVID-19) ka tejkaluar 1.9 milionë.
Të dhënat e universitetit amerikan tregojnë se numri i përgjithshëm i vdekjeve ka arritur në 118.459, ndërsa numri i të shëruarve qëndron në 446.002.
Përderisa numri i përgjithshëm i rasteve të konfirmuara në botë ka arritur në 1.904.566, SHBA ka numrin më të madh të të infektuarve me mbi 572.000. Në SHBA është regjistruar edhe numri më i madh i vdekjeve me mbi 23.000, duke u bërë epiqendër e COVID-19.
Italia ka numrin e dytë më të lartë të vdekjeve me 20.465, ndërsa Spanja është e dyta për nga numri i rasteve të konfirmuara, me gjithsej 169.496 të infektuar.
Kina, që është vendi ku filloi virusi, ka raportuar për gjithsej 3.345 raste të vdekjeve dhe mbi 83.200 raste të konfirmuara, por këto të dhëna vihen në pikëpyetje si brenda, ashtu edhe jashtë Kinës.
Së fundmi, të dhënat e universitetit Johns Hopkins thonë se numri i vdekjeve ditore në Kinë mbetet njëshifror, ndërsa Kina ka regjistruar gjithashtu ka regjistruar numrin më të madh të të shëruarve nga epidemia me mbi 78.000 persona./AA
Raportohet se ka vdekur Fetullah Gylen
Osmani dhe kongresisti Torres flasin për zhvillimet në Kosov...
Hynë ilegalisht nga Serbia në Kosovë, policia ndalon tre ser...
Policia e Ferizajt shqiptoi mbi 1300 gjoba brenda një javë, ...
43 aksidente bre 24 orëve, policia shqiptoi afro 2 mijë gjob...
Arrestohen dy të dyshuar për disa vjedhje në Fushë Kosovë, k...