Kryetari i Prishtinës Shpend Ahmeti ka komentuar masat e reja kufizuese që ka vendosur Ministria e Shëndetësisë në lidhje me parandalimin e përhapjes së koronavirusit.
Ahmeti në RTV Dukagjini ka thënë se për herë të parë në media po e sheh sistemin e ri të ndalim-qarkullimit në Kosovë.
“Nuk e kam pasë këtë informatë për këto kufizime të reja. Kam pasë informacion se po përgatitet një aplikacion, por jo në këtë formë”.
I pari i Prishtinës deklaroi se këto janë ngritje drastike e kufizimeve, pasi po ndalohet edhe qarkullimi i makinave.
“Unë si kryetar i komunës do të shkoja me masa të thjeshta që janë të kuptueshme nga të gjithë dhe që nuk kanë shumë komplikime dhe paragrafë që duhet lexuar. Ne tash e dy ditë u morëm se cilat biznese kanë të drejtë të kalojnë në kufi, derisa tash duhet të merremi gjithë javën me shpjegimin e këtyre rekomandimeve”.
Ahmeti thotë se gjëja më e thjeshtë që duhet t’iu themi qytetarëve është që të qëndrojnë në shtëpi.
“Për momentin jam i brengosur për këtë orar të komplikuar të cilën duhet t’ua shpjegojmë qytetarëve”, tha ndër të tjera Shpend Ahmeti.
Raportohet se ka vdekur Fetullah Gylen
Osmani dhe kongresisti Torres flasin për zhvillimet në Kosov...
Hynë ilegalisht nga Serbia në Kosovë, policia ndalon tre ser...
Policia e Ferizajt shqiptoi mbi 1300 gjoba brenda një javë, ...
43 aksidente bre 24 orëve, policia shqiptoi afro 2 mijë gjob...
Arrestohen dy të dyshuar për disa vjedhje në Fushë Kosovë, k...