Një tinejxher i vetëdeklaruar haker thotë se ka hakuar emilin personal të drejtorit të Agjencisë Qendrore të Inteligjencës (CIA), John Brennan dhe ka nxjerrë të dhëna top-sekrete.

Hakeri i cili e përshkruan veten si një student i shkollës së mesme në Amerikë i telefonoi Neë York Post për ti paraqitur gjetjet e tij.

Sipas tinejxherit, email-i privat i drejtorit ka pasur të dhëna mjaft senzitive si: aplikacioni 47 faqe i tij për një autorizim top-sekret të sigurisë, numrat dhe informacionet personale të dhjetëra zyrtarëve të inteligjencës amerikane dhe një letër të qeverisë në të cilën diskutohen teknikat e rrepta të intervistimit të të dyshuarve për terrorizëm.

Hakeri operon nën emrin “Crackas With Attitude” në Twitter.

Për ti mbështetur deklaratat e tij për hakimin ai postoi edhe pamje të dokumenteve senzitive. Agjencitë federale përfshi këtu edhe FBI-ja janë duke e hetuar çështjen. Sipas tyre haberi mund të përballet me akuza kriminale.

Megjithatë dy zyrtarë anonim në SHBA thanë se asnjë informacion sensitiv nuk është hakuar./arbresh.info