Shkon në 10,000 numri i të vdekurve në  Mbretërinë e Bashkuar

15:54 | 12 Prill 2020
Arbresh.info

Mbretëria e Bashkuar ka shënuar një rekord negativ për numrin e të vdekurve.

Sipas NHS 657 persona kanë vdekur brenda ditës në spital pasi u testuan pozitivë për koronavirus, duke e çuar totalin në 9,594, transmeton portali arbresh.info.

Pacientët ishin të moshës midis 26 dhe 100 vjeç, dhe 42 nga 657 pacientë (të moshës midis 30 dhe 98) nuk kishin asnjë gjendje tjetër të njohur shëndetësore. Familjet e tyre janë informuar.

Kujtojmë se edhe kryeministri britanik Boris Johnson është i infektuar me Covid-19.

Ai sot është liruar nga spitali pas një jave njëherë në terapi intensive e pastaj në repart spitalor.

Johnson nuk do t’i kthehet ende punës, por do ta vazhdojë rikuperimin në shtëpinë e tij./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm