Google ADS

Peja me masa më rigoroze për shkak të koronavirusit

18:38 | 10 Prill 2020
Arbresh.info

Masat për parandalimin e përhapjes së coronavirusit janë ashpërsuar në Komunën e Pejës, raporton RTV Dukagjini.

Zëdhënësi i Komunës së Pejës, Engelbert Zefaj ka kërkuar nga qytetarët që të mos shkojnë as në Grykën e Rugovës për shëtitje.

“Ne kemi marrë një vendim që të ndalohen vizitat dhe shëtitjet nëpër parqet e Komunës së Pejës. Ai vendim ka qenë i prerë por ne si komunë e po ashtu edhe policia kemi qenë më tolerant. Tashmë e kemi parë që puna është shumë më serioze, dhe kjo tolerancë është larguar kështu që po shkojmë drejt një rigoroziteti shumë të madh”.

Zefaj thotë për RTV Dukagjinin se në bazë të monitorimeve kanë vërejtur që një pjesë e qytetarëve nuk po respektojnë masat e marra në përballje me COVID-19.

“Ne i kemi udhëzuar që të mos dalin në grupe, mos të qëndrojnë afër njëri tjetrit, mos të bëjnë pikniqe nëpër pjesë të gjelbra ose parqe. Por këto udhëzime ne e kemi vërejtur që nuk janë duke u respektuar”, tha ndër të tjera Engelbert Zefaj.

 

Shpërndaje në rrjete sociale

Lajmet më të lexuara

Të ngjashme

Foto lajm