Kancelarja Angela Merkel ka shënuar dy dekada që kur u zgjodh për të udhëhequr Union Kristian-Demokrat (CDU), në një kohë kur vendi po përballet me pandeminë që kërcënon të ngre në këmbë trashëgiminë e saj si kancelarë.

Edhe pse ajo hoqi dorë nga timoni i partisë më 2018, kur Annegret Kramp Karrenbauer u votua si liderja e re e CDU-së, qëndrimi i shkurtër dhe dorëheqja e pasardhës së saj, e shoqëruar me takimin e shtyrë për të zgjedhur drejtuesin e ri, do të thotë që Merkel është akoma – të paktën në mënyrë simbolike – në krye të partisë konservatore, transmeton portali arbresh.info.

Vitin e fundit të saj si kancelare ajo do ta kalojë në kohën kur shteti i saj po përballet me emergjencën shëndetësore të koronavirusit që ka shkaktuar bllokime në të gjithë globin, me pasoja serioze për ekonomitë vendase dhe ndërkombëtare, duke paraqitur një provë madhore për udhëheqësit e aftë dhe të rinj ashtu.

Krijimi i rrugës së saj

Më 10 Prill 2000, rreth 897 nga 935 delegatë në konferencën e partisë CDU në qytetin perëndimor të Essen votuan në favor të udhëheqjes së partisë së Merkel. Kjo shënoi momentin që një grua u bë udhëheqëse e një partie të madhe politike gjermane për herë të parë.

Ajo ishe nga Gjermania Lindore dhe ishte në politikë për vetëm dhjetë vjet, por ajo përfitoi nga mentorimi i kancelarit konservativ dhe të fuqishëm të Gjermanisë Helmut Kohl.

Merkel nisi rrugëtimin e saj kur Kohl u rrethua nga skandali për keqpërdorim të fundeve, skandali i njëjtë që do të përfshinte edhe pasardhësin e mundshëm, Wolfgang Schäuble. Mohimi publik i saj i ish mentorit të saj, ose siç ajo e ka përshkruar si një sinjal për të ecur përpara pas mandatit të tij, ishte një nga hapat kritikë që ndërmori për tu ngritur më lart./arbresh.info/