Google ADS

Kjo është gjendja shëndetësore e personave me koronavirus që po trajtohen në Infektivë

10:40 | 10 Prill 2020
M. A.

Nga Klinika Infektive kanë dhënë detaje lidhur me gjendjen shëndetësore të personave të prekur me koronavirus që janë duke u trajtuar.

Sipas njoftimit, 40 persona të prekur me koronavirus janë hospitalizuar sot në klinikë, derisa po priten rezultatet edhe për 4 raste.

Gjatë 24 orëve të fundit janë liruar 25 raste të cilët janë testuar dhe rezultuan negative për Covid 19.

Nga 40 rastet e infektuara me koronavirus, 33 janë në gjendje stabile, 5 janë në gjendje të rëndë me oksigjenoterapi dhe përkujdesje intensive, derisa, në mjekimin intensiv vazhdojnë të jenë në gjendje kritike dy pacientë të cilët janë në ventilim mekanik.

“Sa i përket stafit të Klinikës Infektive, nuk ka raste të reja të infeksionit brenda spitalor, ndërsa nga 5 infermierët e infektuara me Covid 19, njëra është shëruar dhe liruar në shtëpi, ndërsa 4 infermiere të tjera janë në gjendje të mirë shëndetësore”, thuhet në njoftim.

Shpërndaje në rrjete sociale

Lajmet më të lexuara

Të ngjashme

Foto lajm