Ahmeti: 13 punëtorët tonë shëndetësor të Urgjencës dolën negativ në COVID-19

22:16 | 8 Prill 2020
Arbresh.info

Kryetari i Komunës së Prishtinës, Shpend Ahmeti ka njoftuar se 13 punëtorët shëndetësor të Urgjencës kanë rezultuar negativ në COVID-19.

Ahmeti ka pohuar se 13 punëtorët shëndetësor kishin pasur kontakt me personin e ndjerë që kishte coronavirus.

“Lajm i mirë – 13 punëtorët tonë shëndetësor të Urgjencës, vija e parë e ballafaqimit me Covid dhe sëmundje tjera më Prishtinë sot dolën negativ në testin e parë, pas kontaktit me të ndjerin S.N. Të gjithë kanë qenë me mbrojtje por kemi përcjellë të gjitha protokolet. Ata do të vazhdojnë në vetëizolim edhe disa ditë”, ka shkruar Ahmeti në Facebook.

Deri më tani në Kosovë janë konfirmuar 184 raste me coronavirus, 30 prej tyre janë shëruar kurse 6 kanë humbur jetën.

Shpërndaje në rrjete sociale

Lajmet më të lexuara

Të ngjashme

Foto lajm