Google ADS

Minxhozi: Masat e marra në Kosovë për Covid-19, më të ashpra se në Shqipëri

20:50 | 8 Prill 2020
Arbresh.info

Ambasadori i Shqipërisë në Kosovë Qemal Minxhozi, në një lidhje të drejtpërdrejtë me “News 24” deklaroi se gjendja në kufi paraqitet e qetë.

“Gjendja në kufi është e qetë. Në Kosovë nuk ka pasur raste të revoltave. Tashmë kemi një stabilitet të lëvizjeve. Shumë pozitiv është ndërgjegjësimi i njerëzve.

Për nevojat që ata kanë, qytetarët komunikojnë me komunat e Kosovës. Janë 30 qytetarë të Kosovës që kanë lënë spitalin”, tha Minxhozi.

Më tej, Minxhozi deklaroi se kush hyn në Kosovë, duhet të hyjë me patjetër në karantinë të detyrueshme, kurse shtoi se Kosova ka marrë masa më të ashpra se Shqipëria.

“Kush hyn në Kosovë, duhet të hyjë në karantinë të detyrueshme. Në Kosovë do të nisë eksporti i fruta-perimeve. Në Kosovë masat e marra janë më të ashpra sesa në Shqipëri.

Shqipëria e Kosova nuk janë në fazë alarmi. Duhet të ruhemi jo vetëm për veten, por edhe për të tjerët. Duhet që të dalim që të gjithë si shoqëri nga kjo situatë”, deklaroi Minxhozi.

 

Shpërndaje në rrjete sociale

Lajmet më të lexuara

Të ngjashme

Foto lajm