Një shqiptar i prekur nga Covid-19 në Itali ka regjistruar një video ku tregon simptomat që po kalon nga virusi vdekjeprurës.

Ai shpjegon se edhe pse ka një fizik të fortë dhe është marrë shumë me palestër kjo nuk e ka frenuar që koronavirusi ta lodhë aq shumë saqë ai e krahason sikur të kishte marrë dy plumba.

Ndër të tjera emigranti shqiptarë flet edhe për masat e marra nga kryeministri Edi Rama në Shqipëri duke thënë se ato janë të duhura dhe se duhen respektuar. Sipas tij askush nuk duhet të bëjë trimin me këtë virus pasi ai nuk pyet se sa i fortë je.

“Të gjithë shqiptarët kudo që ndodhen të bëhen të kujdesshëm kudo që ndodhen. Mos të tallen me koronavirusin se është një grip nuk është grip po kolerë. Kam 7 ditë me temperaturë në Itali jam në Torino. Kam nejt 4 ditë në spital dhe sytë e mi kanë parë aty si në luftë dhe vetëm nuk janë me këmbë të këputur. Me një dhomë 150 veta. Kam që mbrëmë që më kanë sjell në pavion lart por jam me tension të ulët dhe me marrje mendsh jam rrëzuar dy tre herë. Kam bërë një ekzaminim koke. Peshoj 100 kile dhe kam bo palestër dhe nuk hy fare forca hyn vetëm mend që duhet me i pas në kokë dhe atë rakinë ta mbajmë i la duart. Jeta është e bukur keni një kryeministër që po i del goja mbrapa sikur të jetë baba i të gjithë shqiptarëve me gjithë mend si babë Myslymi. Ngjojeni se ju do me gjithë mend. Ju lutem unë po e provë dhe prandaj po ju them besojeni se është më e vështirë se kurrë më mirë të kisha marrë dy plumba. Ju du të gjithë shqiptarëve kudo që jeni. Ju rujt zoti. Kryeministri të bëhet mbret i shqiptarëve.” tha personi i prekur nga koronavirusi.