Alexis Sanchez refuzon zvogëlimin e pagesës për tu larguar nga United

17:26 | 7 Prill 2020
Arbresh Info

Manchester United është duke pas probleme mjaftë të mëdha me sulmuesin, Alexis Sanchez, pasi është duke u munduar ta shesë, por ky i fundit nuk pranon t’i zvogëlohet pagesa javore.

31-vjeçari është huazim te Inter Milan dhe dëshiron të mbetet aty, por gjiganti italian nuk do ta paguajë lojtarin 450 mijë euro në javë, vlerë të cilën e fiton te United, transmeton portali arbresh.info.

Pavarësisht që në “San Siro” shënoi vetëm një gol, pastaj u lëndua për disa muaj, “Djajtë e Kuq” kanë vazhduar t’ia paguajnë tërë pagesën.

United i ka treguar Sanchez-it se nuk është në planet e Ole Gunnar Solskjaer kur të rikthehet në “Old Trafford”, por kiliani është i gatshëm të qëndrojë në stol ose të huazohet përsëri, vetëm që pagesa të mos i zvogëlohet.

Sanchez-it i kanë mbetur edhe dy vite kontratë me klubin anglez dhe asnjë skuadër nuk është e gatshëm të paguajë 450 mijë euro në javë për shërbimet e tij./arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm